nasin pona lipu pi jan Lute
tenpo pini la jan Lute li pana e sona pi pali lipu tawa mi. lipu ni la mi wile pana e sona ni tawa sina. mi kepeken e nasin ni lon lipu mi la ona li pona e ken sona pi lipu mi, la wile mi la sina o kepeken e nasin ni lon lipu sina.
mi o pana e sona pi nasin Lute: lon la jan toki en jan kute li lon. jan toki li toki e lipu la jan kute li kute li ken toki lili e sona ona pi lipu pi jan toki.
tan pi nasin Lute li ni: lipu o toki e suli e lili. lipu li jo e suli taso la lukin jan li kama ike. ni la suli en lili o lon!
sina wile sona e nasin ni la o lukin e lipu ma tan jan Lute. jan Lute li toki e nasin ni tawa mi la ona li pana e lipu ni!
ken la, toki jan taso li ike tawa wile sina. sina wile la, sina ken lon e toki tan jan ala. ni li ante lili tawa nasin Lute, li nasin Lute lili. ni la, toki tan jan ala li suli, la toki jan li lili. suli en lili li awen lon!
sona suli li ni: lipu o sama pona e toki sona e toki jan. nasin Lute lili li ni: kipisi wan li toki sona la kipisi ante li toki jan. toki jan li ken pana e sona kin, li ken pana e sona ni kepeken nasin pona ante.
toki suli en toki lili la lipu sina li ken kama pona. sina ken sona e ni: toki sona li kama suli la sina ken pana e toki jan, li ken lili e suli. toki jan li ken toki e toki sona, li ken suli e toki sona li ken pana e sona pilin a.
sina wile lukin e lipu pi nasin Lute lili la o lukin e lipu tu ni: lipu tu kuntu en lipu linja pi pini ala tan jan Lapate. ken la lipu ante pi nasin Lute lili li lon! lipu ni li pona mute a tawa mi, la pilin mi la ona li pona tawa lipu pi nasin ante sama lipu nasin Lanpan anu lipu mi en waso Kaka.
sina wile pali e lipu pi sona pona la o kepeken e nasin ni!